Halkara Pul Gaznasy: Emeli aň dünýädäki iş orunlarynyň 40%-ine täsir eder

  • 17.01.2024 15:38
  • 6k+

Emeli aň dünýädäki iş orunlarynyň takmynan 40%-ine täsir eder. Bu duýduryş Halkara Pul Gaznasy (HPG) tarapyndan berildi diýip, Ferra habar berdi.

HPG-niň seljermesine görä, ösen ykdysadyýetler üçin töwekgelçilik has ýokary bolar, şol bir wagtda ösüp barýan bazarlar we pes girdejili ýurtlar bu meselede kän kynçylyk çekmez.
HPG-niň dolandyryjy müdiri Kristalina Georgiýewa öz sahypasynda AI köp zatlar babatda umumy deňsizligi hasam erbetleşdirip biler diýip ýazdy. Bu tendensiýa hünärmenleri biynjalyk edýär, syýasatçylar sosial dartgynlygyň mundan beýläk-de ýokarlanmagynyň öňüni almak üçin bu meseläni işjeň çözmeli bolarlar.
HPG-niň beýanynda awtomatizasiýanyň we AI-niň zähmet bazaryna ýetirip biljek ýaramaz täsirlerini azaltmak üçin degişli çäreleri görmegiň möhümdigi nygtalýar.
Hökümetler we guramalar eýýäm şu wagtdan işgärleri goldamagyň, olaryň gaýtadan taýýarlanmagyny hem-de iş ýerleriniň üýtgemegine uýgunlaşmaklaryny üpjün etmegiň strategiýalaryny işläp düzmeli.


11.09.2025 21:19
1.7k+

ChatGPT dünýäniň çat-bot bazarynyň 80%-den gowragyny eýeleýär

OpenAI kompaniýasynyň ChatGPT emeli aňly çat-bot bazarynda agdyklyk etmegini dowam etdirýär we şeýle hyzmatlaryň dünýäde ulanylyşynyň bäşden dört bölegini öz içine alýar. Bu barada web-seljeriji StatCounter şereketiniň 2024-nji ýylyň iýulyndan 2025-nji ýylyň awgustyna çenli aralykdaky maglumatlaryna salgylanýan TechRadar habar berýär...

05.09.2025 10:35
1.1k+

OpenAI Hindistanda ägirt maglumat merkezini gurmagy meýilleşdirýär

OpenAI Hindistanda uly maglumat merkezini gurmagy meýilleşdirýär. Ol ýurtda iň ulularyň biri we Aziýada emeli aň infrastrukturasyny ösdürmekde möhüm ädim bolup biler diýip, Bloomberg agentligi habar berýär. Çeşmeleriň maglumatlaryna görä, kompaniýa azyndan 1 gigawatt kuwwatly desganyň gurluşygy üçin ýerli hyzmatdaşlary gözleýär...

04.07.2025 12:19
6.2k+

Daniýa dünýäde ilkinji bolup raýatlaryny dipfeýkden goramak üçin kanun kabul etdi

Daniýa raýatlaryny dipfeýk tehnologiýasyndan goramak üçin giň gerimli kanunçylygy kabul eden ilkinji ýurt boldy. Täze kabul edilen kanun raýatlara öz sesine, daşky görnüşine hem-de sanly keşbine bolan aýratyn hukugy berýär diýip, «TechSpot» habar berýär...

30.06.2025 11:03
3.3k+

Indem Microsoft kazyýetde: kompaniýa emeli aňy türgenleşdirmek üçin bikanun göçürilen kitaplary ulanmakda aýyplanýar

Birnäçe amerikaly ýazyjylar Nýu-Ýorkuň Federal kazyýetine Microsoft kompaniýasyna garşy şikaýat bilen ýüz tutdy. Olaryň aýtmagyna görä, kompaniýa «Megatron» atly dil modelini türgenleşdirmek üçin awtorlaryň rugsady bolmazdan, bikanun göçürilen sanly eserleriň nusgalaryny ulanýar...