2023-nji ýylyň ahyrynda Apple ilkinji gezek dünýä smartfon bazarynda Günorta Koreýanyň tehnologiýa ägirdi Samsung-dan öňe saýlandy. Bu barada IDC gözleg kompaniýasynyň maglumatlaryna salgylanyp, IXBT.com habar berýär.
Samsung soňky gezek liderligini 2010-njy ýylda ýitiripdi, şonda Nokia bazaryň üçden birine eýe bolupdy.
Apple her ýyl oňyn ösüşi görkezýän ilkinji üçlügiň arasynda ýeke-täk oýunçy bolmak bilen çäklenmän, eýsem taryhda ilkinji gezek birinji orny eýeledi diýip aýdylýar.
Apple-iň dowamly üstünligi we durnuklylygy, esasan, bazaryň 20%-den gowragyny emele getirýän premium enjamlara bolan tendensiýasy bilen baglanyşyklydyr.
Hünärmenler Hytaýda bazary çaltlyk bilen özüne çekýän Huawei-iň gaýdyp gelýändigini belleýärler. OnePlus, Honor, Google ýaly markalar we beýlekiler bazaryň aşaky böleginde juda bäsdeş enjamlary çykarýarlar. Eplenýän enjamlar we smartfonlarda emeli aň mümkinçilikleri baradaky gürrüňler barha güýçlenýär. Şonuň üçin öndürijileriň arasynda gyzgalaňly bäsdeşlik dowam edýär.
