Wi-Fi Alliance (WECA) guramasy simsiz aragatnaşygyň iň täze standartyny – Wi-Fi 7-ni hasaba aldy. Bu tehnologiýa eýýäm hökmany şahadatnama eýe boldy: 2024-nji ýylda täze standarty göterýän 233 mln töweregi gurluşyň bazara çykmagyna garaşylýar. Bu barada championat.com habar berýär.
Wi-Fi 7 Wi-Fi 6 bilen deňeşdirilende öňe tarap uly ädim bolmaly. Täze tehnologiýa 320 MGs çenli kanal giňligini, köp gigabitli tizligi we ýokary geçirijilik ukybyny üpjün eder. Wi-Fi 7 gurluşlara maglumatlary diňe 2.5 GGs ýa-da 5 GGs arkaly däl-de, birbada birnäçe kanal boýunça ibermäge we kabul etmäge mümkinçilik berýän Multi-Link Operation (MLO) funksiýasyny hem öz içine alar.
WECA Wi-Fi 7-niň XXI asyrda iň tiz, ygtybarly we döwrebap aragatnaşyk standartyna öwrüljekdigini belleýär. Guramanyň maglumatlaryna görä, 2028-nji ýyla çenli dünýä boýunça 2 milliarddan gowrak gurluş bu tehnologiýany göterer.
