Kuweýtiň emiri şeýh Maşaal al-Ahmed al-Jaber as-Sabah ýurduň täze premýer-ministri hökmünde şeýh Muhammed sabah as-Salem as-Sabahy belledi. Bu barada KUNA habarlar agentligi tarapyndan ýaýradylan emiriň permanynda aýdylýar diýip, TASS habar berýär.
Permana laýyklykda, täze premýer-ministr emir tarapyndan tassyklanjak geljekki kabinet agzalaryny hödürlemeli, şeýle-de hökümetiň düzülmegi barada Milli ýygnagyň – Kuweýtiň bir palataly parlamentiniň öňünde hasabat bermeli. Perman “El-Kuweýt al-Ýaum” hökümet gazetinde neşir edilenden soň güýje girer.
Şeýh Maşaal 16-njy dekabrda aradan çykan Kuweýtiň emiri şeýh Nawaf al-Ahmed al-Jaber as-Sabahyň mirasdüşeri boldy. Täze emir Milli mejlisiň öňünde kasam kabul edeninden soň, Kuweýtiň hökümeti işinden çekildi. Şeýh Maşaal öňki premýer-ministr şeýh Ahmed Nawaf al-Ahmed as-Sabahyň 20-nji dekabrda hökümetiň işden çekilmegi baradaky haýyşyny kabul etdi.
