Täjigistan «ýaşyl» ykdysadyýeti ösdürmekde dünýäde öňdebaryjy döwlet bolmak bilen 2037-nji ýylda «ýaşyl» ýurda öwrüler.
Täjigistan Respublikasynyň Prezidenti Emomali Rahmon muny ýurduň mejlisine iberen ýüzlenmesinde aýtdy.
Onuň sözlerine görä, 2023-nji ýylda Täjigistanda elektrik energiýasy gaýtadan dikeldilýän çeşmeler, ýagny 100 göterim “ýaşyl” energiýa bilen üpjün edilipdi.
Döwlet Baştutany şu esasda halkara ülňülerine laýyklykda Täjigistanda parnik gazlarynyň zyňyndylarynyň 2037-nji ýyla çenli aňryçäge çenli azaljakdygyny düşündirdi.
“Indi biziň ýurdumyz gaýtadan dikeldilýän çeşmelerden elektrik energiýasyny öndürmek boýunça dünýäde 6-njy ýerde durýar. 2025-nji ýylda “Rogun” gidroelektrik stansiýasynyň üçünji bölümini işe girizmegi meýilleşdirýäris. Bu maksat bilen 2023-nji ýylda döwlet býujetinden 5 milliarddan gowrak somoni bölünip berildi; häzirki wagtda asyryň bu möhüm desgasynda 15 müň hünärmen, işçi we 3,5 müň sany gurluşyk tehnikasy işleýär " - diýip, Täjigistanyň Prezidenti belledi.
