Toyota howpsuzlyk ýassyklary bilen bagly mümkin meseleler zerarly 1 mln awtomobilini yzyna gaýtarar

  • 22.12.2023 13:08
  • 9.5k+

Toyota Motor konserni howpsuzlyk ýassyklary bilen bagly mümkin bolan näsazlyklar sebäpli ABŞ-da 1 milliona golaý awtomobili yzyna gaýtarmak kararyna geldi. Bu barada Kyodo agentligine salgylanyp, Report habar berýär.

Bellenilişi ýaly, gürrüň öňdäki ýolagçy oturgyjynda ýolagçyny anyklaýyş ulgamynyň datçiginiň näsazlygy barada gidýär. Bu gysga wagtlyk utgaşma getirip biler. Netijede, howpsuzlyk ýassygy çaknyşykda işlemän biler we bu şikes almak howpuny döreder. Kompaniýa bu näsazlyk sebäpli zyýan çekenleriň bardygy ýa-da ýokdugy barada teswir bermekden saklandy.
Toyota 2020-nji ýyldan 2022-nji ýyl aralygynda öndürilen birnäçe modelleri, şol sanda Camry, Corolla sedanlaryny, RAV4 krossowerini hem-de Lexus ES we RX awtomobillerini anyklaýyş işlerini geçirmek we zerur bolan ýagdaýynda bejermek üçin yzyna gaýtarmagy meýilleşdirýär.


düýn 09:36
2.9k+

Toyota RAV4 retro görnüşe eýe bolýar: Mitsuoka Buddy täzeden çykýar

Özboluşly we nostalgiýa ruhly awtoulaglary bilen tanalýan Mitsuoka ýapon kompaniýasy öz retro krossoweri bolan Buddy-nyň gaýdyp gelýändigini resmi taýdan mälim etdi. Bu model Toyota RAV4-iň öňki nesline esaslanýar, ýöne onuň daş keşbi 1970-nji ýyllaryň Chevrolet we Cadillac awtoulaglaryny ýada salýar...

28.10.2025 10:21
1.9k+

Toyota meşhur Hilux kysymly awtoulagynyň wodorod bilen işleýän görnüşini görkezdi

Toyota kompaniýasy Beýik Britaniýadaky zawodynda ýygnalan Hilux Fuel Cell atly wodorod bilen işleýän pikap awtoulagyny tanyşdyrdy. Jemi on sany prototip öndürildi, olaryň bäşisi eýýäm synagdan geçýär. Awtoulagyň gurluşy üç sany gysylan wodorod ballony bilen enjamlaşdyrylandyr, bu bolsa oňa 600 kilometre çenli aralyk geçmäge mümkinçilik berýär...

27.10.2025 15:21
8.9k+

Toyota Camry has agras we sport stiline eýe boldy

Toyota kompaniýasy ýörite SEMA týuning sergisi üçin döredilen Camry GT-S sedanynyň konseptini hödürledi. Awtomobil has agras görnüşe eýe boldy, ýöne zawod stilini saklady – inženerler ony önümçilik modeline meňzeş etmäge çalyşdy...

25.10.2025 11:28
4.1k+

Toyota ýetginjekler üçin iki orunlyk FT-Me elektrik ulagyny hödürledi

Toyota kompaniýasy ýetginjekler, täze sürüjiler hem-de eltip bermek hyzmatlary üçin niýetlenen iki orunlyk FT-Me elektrik ulagynyň nusgasyny hödürledi. Bu ulag kwadrisikl görnüşine degişli bolup, käbir ýurtlarda ony 14 ýaşdan başlap sürüp bolýar...