«Mançester Siti» toparynyň we Norwegiýanyň milli ýygyndysynyň hüjümçisi Erling Holand «FourFourTwo» tarapyndan 2023-nji ýylyň iň gowy futbolçysy diýlip yglan edildi. Häzirki dünýä çempiony argentinaly Lionel Messi bolsa altynjy orny eýeledi. Bu barada neşiriň web sahypasynda habar berilýär.
Holand bilen birlikde ilkinji üçlüge Madridiň «Realynyň» angliýaly ýarymgoragçysy Jud Bellingem we Angliýanyň milli ýygyndysynyň ýene bir oýunçysy – tomusda «Tottenhemden» Mýunheniň «Bawariýa» toparyna geçen Harri Keýn girdi.
Ilkinji onlukda orunlar aşakdaky ýaly paýlanýar: 4. Kilian Mbappe (Fransiýa, «Pari Sen-Žermen»), 5. Rodri (Ispaniýa, «Mançester Siti»), 6. Messi («Inter Maýami»), 7. Bernardo Silwa (Portugaliýa, «Mançester Siti»), 8. Mohamed Salah (Müsür, «Liwerpul»), 9. Antuan Grizmann (Fransiýa, «Atletiko Madrid»), 10. Winisius Žunior (Braziliýa, «Real Madrid»).
