Ermenistanyň ýaşaýjysy ýük daşaýjy awtomobilleriň aralygynda 44 gezek turnik çekip Ginnesiň rekordyny täzeledi

  • 21.12.2023 14:18
  • 26k+

18 ýaşly ermenistanly Grigor Manukýan ýük daşaýjy awtomobilleriň aralygynda turnik çekmek boýunça Ginnesiň rekordyny täzeledi. Bu barada MIR 24 habar berýär. Munuň üçin ol kese guraly iki sany ýük daşaýjy awtomobiliň aralygynda berkitdi, haçan-da awtomobiller sagatda 5 km-den gowrak tizlik bilen hereket edip başlanlarynda Manukýan maşky ýerine ýetirmäge girişdi. Onuň rekordy 44 gaýtalama boldy. Ol Tasio Gawioliniň öňki rekordyndan tas 10 gaýtalama öňe geçdi.

Grigor Manukýan 8000 ilaty bolan kiçijik Talin şäherinden, ýöne ýaşaýjylaryň arasynda Ginnesiň rekordlar kitabyna girenler az däl.
Olaryň ählisini bir adam – Roman Sagradýan türgenleşdirýär. Ol mekdep mugallymy bolup, okuwçylara nähili rekord goýmalydygyny öz mysalynda görkezýär. Ýaňy-ýakynda ol 23 gezek turnik çekdi, ýöne kese guralyň deregine üç metr belentlikde saklanan dikuçaryň polozyny ulandy. Şondan bäri onuň üstünligi birnäçe gezek täzelendi. Häzirki wagtda iň gowy netije Grigor Manukýana degişli – bir minutda 36 gaýtalama.


22.09.2025 18:27
4.7k+

Amerikan ýeňil atletikaçylary 4х400 m estafeta ýaryşynda dünýä çempionatynyň rekordyny täzeledi

ABŞ-nyň zenanlar ýygyndysy Tokioda geçirilýän ýeňil atletika boýunça dünýä çempionatynyň altyn medalyny gazandy. Topar 4х400 m estafeta ýaryşynda 3 minut 16,16 sekunt netije bilen ýeňiji boldy. Bu dünýä çempionatynyň täze rekordydyr...

22.09.2025 10:45
3.6k+

Noa Laýls 4-nji gezek DÇ-de 200 m ylgawda ýeňiji bolup, Useýn Bolduň üstünligini gaýtalady

Amerikaly sprinter Noa Laýls Tokiodaky dünýä çempionatynda 200 m aralyga ylgamakda altyn medal gazandy. Ol finalda 19,52 sekunt netijäni görkezdi. Ikinji orny onuň watandaşy Kenni Bednarek eýeledi (19,58), üçünji orna ýamaýkaly Braýan Lewell mynasyp boldy (19,64)...

22.09.2025 10:41
1.7k+

Keniýaly Odira dünýä çempionatynda 800 m ylgawda rekord bilen ýeňiş gazandy

Keniýaly ylgawçy Lilian Odira 800 m aralyga ylgamakda dünýä çempiony boldy. Final 21-nji sentýabrda Tokioda 2025-nji ýylyň Ýeňil atletika boýunça dünýä çempionatynyň çäklerinde geçirildi. Odira bu aralygy 1.54,62 netije bilen geçip, dünýä çempionatynyň täze rekordyny goýdy...

19.09.2025 18:03
3.8k+

Sidni Maklaflin-Lewron rekord bilen 400 m ylgawda DÇ-2025-iň altyn medalyny gazandy

ABŞ-dan dört gezek Olimpiýa çempiony Sidni Maklaflin-Lewron Tokioda geçirilýän ýeňil atletika boýunça dünýä çempionatynda 400 metr aralyga ylgamakda altyn medal gazandy. Onuň netijesi 47,78 sekunt bolup, bu dünýä çempionatynyň rekordy we taryhda ikinji görkezijidir...