Kuweýtiň Emiri şeýh Maşaal al-Ahmed al-Jaber as-Sabah ýurduň bir palataly mejlisiniň öňünde kasam kabul etdi. Bu dabaraly dessur Kuweýtiň döwlet telewideniýesi tarapyndan ýaýlyma berildi.
Şeýh Maşaal 16-njy dekabrda aradan çykan şeýh Nawaf al-Ahmed al-Jaber as-Sabahyň ýerine geçdi. Kuweýtiň Konstitusiýasyna laýyklykda, emir ýogalandan soň tagt awtomatiki ýagdaýda mirasdüşer şazada geçýär, ýöne ol diňe parlamentde kasam kabul edeninden soň häkimiýet başyna geçip biler.
Kuweýtiň merhum Emiri 2006-njy ýyldan 2020-nji ýyla çenli ýurda ýolbaşçylyk eden öweý dogany Sabah al-Ahmed al-Jaber as-Sabah ýogalandan soň, 2020-nji ýylyň 30-njy sentýabrynda tagta çykypdy. 2006-njy ýylyň fewral aýynda şeýh Nawaf şeýh Sabahyň permany bilen mirasdüşer şazada bellendi. Şeýlelik bilen, ol as-Sabahlar maşgalasynyň iki şahasynyň - al-Jaberleriň we as-Salemleriň wekilleriniň gezekli-gezegine emir bolmak däp-dessuryny bozdy.
