Dýuplantis we Assefa World Athletics-iň garaýşy boýunça ýylyň türgenleri boldular

  • 12.12.2023 16:03
  • 7k+

Bütindünýä ýeňil atletika birleşigi 2023-nji ýylda iň gowy türgen diýlip ykrar edilen alty türgeniň adyny yglan etdi.

2023-nji ýylyň iň gowy türgenleriniň arasynda Tigist Assefa (Efiopiýa), Feýt  Kipyegon (Keniýa), Ýulimar Rohas (Wenesuela), Armand Dýuplantis (Şwesiýa), Nua Laýls (ABŞ) we Kelwin Kiptum (Keniýa) bar.

"Assefa, Dýuplantis, Kiptum we Kipyegon 2023-nji ýyldaky gatnaşan ýaryşlarynda dünýä rekordyny goýdular. Umuman alanyňda, 2023-nji ýylyň alty türgeni ýylyň dowamynda dünýäniň çempiony adyny gazandylar ýa-da iri marafon ýaryşlarynda ýeňiji boldular” – diýip, World Athletics habar berýär.

Mysal üçin, Assefa sentýabr aýynda Berlin marafonynda dünýä rekordyny goýup ýeňiji boldy. Ylgawçy 2 sagat 11 minut 53 sekuntda 42 kilometr 195 metr aralygy geçdi. Dýuplantis syrykly bökmekde öz dünýä rekordyny täzeledi.


15.06.2025 23:00
4.6k+

Norwegiýaly Warholm taryhda ilkinji bolup päsgelçilikli 300 m aralygy 33 sekuntdan tiz ylgap geçdi

Norwegiýaly Karsten Warholm Osloda geçirilen “Bişletdäki oýunlarda” päsgelçilikli 300 metr aralyga ylgamakda dünýä rekordyny goýdy. Ol taryhda ilkinji bolup bu aralygy 33 sekuntdan tiz ylgap geçdi – onuň netijesi 32,67 sekunt boldy...

29.04.2025 19:07
6.3k+

Efiopiýaly Tigist Assefa London marafonynda täze dünýä rekordy bilen ýeňiji boldy

Olimpiada-2024-üň kümüş medalynyň eýesi, efiopiýaly ýeňil atletikaçy Tigist Assefa London marafony – 2025-iň ýeňijisi boldy. Ol 2:15.50,0 netijäni görkezip, zenanlaryň arasynda täze dünýä rekordyny goýdy. Öňki rekord Peres Jepçirçire (2:16...

22.04.2025 14:55
4k+

Keniýalylar Boston marafonynda ýeňiji boldy: biri ýaryşyň başynda ýykyldy, beýlekisi rekord goýdy

Bostonda hasap boýunça 129-njy marafon geçirildi. World Maratfon Majors seriýasyna girýän bu marafon dünýäde iň gadymy marafon bolup, ol 1897-nji ýyldan bäri geçirilýär. Zenanlaryň arasynda 31 ýaşly keniýaly Şaron Lokedi ýeňiş gazandy...

19.04.2025 21:07
7.6k+

Günorta afrikaly türgen Akani Simbine Useýn Boltuň rekordyny täzeledi

Günorta afrikaly ýeňil atletikaçy Akani Simbine yzygiderli 11 möwsümiň dowamynda 100 metr aralygy 10 sekuntdan hem az wagtda ylgap geçmek bilen, rekord goýdy diýip, Track & Field Gazette habar berýär. Türgen on möwsümiň dowamynda şeýle tizligi görkezmegi başaran ýamaýkaly meşhur ylgawçy Useýn Boltuň netijesinden hem öňe geçdi...