Amerikaly boksçy Dewin Heýni San-Fransiskoda geçirilen boks agşamynyň esasy wakasynda watandaşy Rejis Progreýsden üstün çykyp, WBC-niň wersiýasyna görä, birinji ýarym orta agramda dünýä çempiony titulyna eýe boldy.
Söweş 12 raund dowam etdi we emin agzalarynyň biragyzdan karary bilen Heýniniň ýeňiş gazanmagy bilen tamamlandy.
Ýeňilmedik Heýni üçin bu ýeňiş karýerasynda 31-nji boldy. Progreýs 31 söweşinden ikinji söweşinde ýeňildi.
Heýni ýeňil agramda WBC-niň (2020 – 2023), WBA Super-iň (2022 – 2023), IBF-niň (2022 – 2023), WBO-nyň (2022 – 2023) öňki absolýut dünýä çempionydyr. Ol professional ringde ilkinji gezek 2015-nji ýylyň 11-nji dekabrynda, 17 ýaşynda çykyş etdi. Şonda meksikaly Gonsalo Lopesi birinji raundda tehniki nokaut bilen ýeňdi.
Progreýs – birinji ýarym orta agram derejesinde dünýä çempiony (WBA 2019; WBC, 2022 – 2023). Ol professional ringde ilkinji gezek 2012-nji ýylyň 28-nji aprelinde çykyş etdi we birinji raundda nokaut bilen ýeňiş gazandy.
