Prezident Serdar Berdimuhamedow içeri işler ministri M.Hydyrowa ýol hereketiniň sazlaşykly, howpsuz bolmagyny üpjün etmek meselesini hemişe üns merkezinde saklamagy tabşyrdy. Bu barada döwlet Baştutany çarşenbe güni geçirilen Döwlet howpsuzlyk geňeşiniň mejlisinde belledi.
Soňky ýyllarda awtoulag serişdeleriniň sanynyň artmagy ulag gatnawlarynyň ýygylygynyň ýokarlanmagyna täsir edýär diýip, Serdar Berdimuhamedow aýtdy.
Mejlisiň barşynda şeýle hem ähli ýerlerde ýangyn howpsuzlygynyň kadalarynyň berjaý edilmegine gönükdirilen çäreleri görmek tabşyryldy.
