Amerikanyň Time žurnalynyň wersiasyna görä “Inter Maýami” toparynyň argentinaly hüjümçisi Lionel Messi ýylyň türgeni diýip yglan edildi.
Neşir Messiniň gelen kararyna teswir berip, oýunçynyň dünýä çempionatynda ýeňiji bolandan soň, beýleki köp sanly meşhur futbolçynyň göreldesine eýerip, Saud Arabystanyna gitmän, Dewid Bekhemiň teklibini kabul edendigini we “Inter Maýami” üçin MLS-de oýnamaga geçendigini belleýär.
Time neşiri argentinaly oýunçynyň futbolyň beýlebir meşhur bolmadyk ýeri bolan ABŞ-da futbolyň töwereginde tolgunyşyk döretmegi başarandygyny belleýär. Time-yň bellemegine görä, ol Kim Kardaşýan we LeBron Jeýms ýaly ýyldyzlaryň ünsüni özüne çekipdir we öý oýunlaryna gatnaşýanlaryň sanyny artdyrypdyr.
Messi taryhda iň beýik futbolçylaryň biridir. Ol ýylyň iň gowy futbolçysyna gowşurylan “Altyn top” baýragynyň sekiz gezek eýesi boldy. Bu rekord san. Messi Argentinanyň milli ýygyndysynyň düzüminde dünýä çempionatynda (2022), Amerikanyň Kubogynda (2021) we Olimpiýa oýunlarynda (2008) ýeňiji boldy.
2022-nji ýylda Argentinanyň milli ýygyndysynyň düzüminde Messi ilkinji gezek dünýä çempionatynda ýeňiji boldy.
