Ministrler Kabinetiniň Başlygynyň orunbasary B.Annamämmedowyň ýolbaşçylygyndaky Türkmenistanyň wekiliýeti iş sapary bilen Awstriýanyň Wena şäherinde boldy. Wenada geçirilen çärede çykyş etmek bilen, türkmen wekiliýetiniň agzalary giň köpçüligi Türkmenistanyň senagat ösüşini gazanmak üçin eýerýän ýörelgeleri bilen tanyşdyrdylar, öňde goýlan wezipelere ýetmek üçin alnyp barylýan işler barada gürrüň berdiler.
Bellenilişi ýaly, Türkmenistanda Birleşen Milletler Guramasy we onuň edaralary bilen howanyň üýtgemegi, ekologiýa howpsuzlygyny üpjün etmek ýaly birnäçe ugurda hyzmatdaşlygyň dowam etdirilmegine aýratyn ähmiýet berilýär.
Şunuň bilen baglylykda, Birleşen Milletler Guramasynyň çäginde pes uglerodly energetikany ösdürmek strategiýasyny we wodorod energetikasyny ösdürmek üçin halkara derejesindäki taslamalary durmuşa geçirmek meýilleşdirilýär.
