28-nji noýabrda Prezident Serdar Berdimuhamedow Ykdysady hyzmatdaşlyk boýunça Hökümetara türkmen-azerbaýjan toparynyň 7-nji mejlisine gatnaşmak üçin ýurdunyň wekiliýetine ýolbaşçylyk edip gelen Azerbaýjanyň ykdysadyýet ministri Mikail Jabbarowy kabul etdi.
«Watan» habarlar gepleşiginde habar berlişi ýaly, Serdar Berdimuhamedow söwda-ykdysady, energetika, ulag-kommunikasiýa, ylmy-tehniki, medeni-ynsanperwer we beýleki ugurlarda özara gatnaşyklary ösdürmek boýunça utgaşdyryjy düzüm hökmünde Ykdysady hyzmatdaşlyk boýunça Hökümetara türkmen-azerbaýjan toparynyň ornuny güýçlendirmegiň zerurdygyny belledi.
Döwlet Baştutany ministr bilen söhbetdeşliginiň barşynda iki ýurduň geografik taýdan amatly ýerleşmegine ünsi çekip, ministr bilen däp bolan hyzmatdaşlygynyň geljegini ara alyp maslahatlaşdy.
Duşuşygyň barşynda medeniýet, ylym we bilim ulgamlarynda netijeli hyzmatdaşlygyň gerimini giňeltmäge ikitaraplaýyn gyzyklanma bildirildi.
