«Çelsiniň» öňki derwezebany Petr Çeh Britaniýanyň Saýlama hokkeý ligasynda ilkinji oýnuna çykdy

  • 27.11.2023 19:21
  • 11k+

«Çelsiniň» we Çehiýanyň milli ýygyndysynyň öňki derwezebany Petr Çeh Britaniýanyň Saýlama hokkeý ligasynda (EIHL) «Belfast Jaýants» toparynyň düzüminde ilkinji oýnuna çykdy. Ol eýýäm indiki oýunda toparyň başlangyç düzüminde meýdança çykyp biler.

Çeh 25-nji noýabrda «Glazgo Klen» bilen duşuşygyň ahyrynda buz meýdançasyna çykdy, ol bary-ýogy bäş minut oýnady we bir urgyny saklady. Ol şikes alan derwezeban Taýler Beskorowanynyň ornuna çykdy. Çehiň buzda peýda bolmagyny tomaşaçylar gyzgyn el çarpyşmalary bilen goldadylar.
«Belfast» derwezebanlar Endrýu Dikson we Jekson Wistliň şikesleri sebäpli 15-nji noýabrda aşaky diwiziondaky «Oksford Siti Starz» toparynda çykyş edýän 41 ýaşly Çehi düzümine goşdy. Beskorowanynyň şikesi agyr bolsa, Çeh şu ýekşenbe güni «Nottingem Panters» bilen geçiriljek duşuşykda başlangyç düzümde oýna çykmaly bolar.
Çeh dört gezek Angliýanyň çempiony boldy, Çempionlar ligasynda we Ýewropa ligasynda ýeňiji boldy. Ol Çehiýanyň milli ýygyndysynda 124 oýunda çykyş etdi. Çeh 2019-njy ýylda futbolçy hökmünde karýerasyny tamamlandan soň, «Çelside» işledi we britan hokkeýiniň aşaky diwizionlarynda oýnady. Petr Çeh Angliýanyň futbol we hokkeý boýunça ýokary diwizionlarynda oýnan ilkinji türgen boldy.
«Belfast» EIHL-iň häzirki çempiony.


düýn 17:52
3.8k+

“Altyn Asyr” AFK-nyň Çagyryş ligasynda “Abdyş-Atany” utdy

“Altyn Asyr” futbol kluby AFK-nyň Çagyryş ligasynyň toparlaýyn tapgyryna şowly başlady. Ol ilkinji oýunda “Abdyş-Ata” gyrgyz klubuny 1:0 hasabynda utdy. Oýun 25-nji oktýabrda geçirildi. Oýunda ýeke-täk goly 58-nji minutda Myrat Annaýew geçirdi...

düýn 17:29
5.3k+

2025-nji ýylyň dördünji “El-Klasikosy”: bu gezek üstünlik kimiň tarapynda bolar

Ýekşenbe güni agşam La Ligada güýzüň esasy oýny – Madridiň “Realy” bilen “Barselonanyň” arasynda nobatdaky “El-Klasiko” bolar. Toparlar diňe bir üç utuk gazanmak däl, eýsem biri-birinden ýene bir basgançak ýokary bolmak ugrunda bäsleşer...

24.10.2025 16:25
6.2k+

Ýewropa ligasynda we Konferensiýa ligasynda tapgyryň jemi: iň ýokary netijäni gazanan toparlar

2025/2026 möwsüminiň Ýewropa ligasynyň toparlaýyn tapgyrynyň üçünji oýunlary tamamlandy. Üç oýundan soň iň ýokary 9 utugy üç topar gazandy: «Midtýulland» (Daniýa), «Braga» (Portugaliýa) we «Lion» (Fransiýa). Tapgyryň esasy garaşylmadyk wakasy Italiýanyň «Roma» klubunyň ýeňlişi boldy...

24.10.2025 16:07
6.1k+

Messi “Inter Maýami” bilen şertnamany 2028-nji ýyla çenli uzaltdy

MLS-iň “Inter Maýami” kluby 38 ýaşly argentinaly hüjümçi Lionel Messi bilen şertnamanyň uzaldylandygyny habar berdi. X sosial ulgamynda klub wideo hödürledi. Onda Messi “Inter Maýaminiň” täze öý meýdançasy boljak gurulýan stadionda täze şertnama gol çekýär...