25-nji noýabrda Olimpiýa şäherçesiniň ýeňil atletika toplumynda ýurdumyzyň agyr atletika boýunça ýetginjekleriň dünýä çempionatynda üstünlikli çykyş eden we baýrak alan türgenlerini sylaglamak dabarasy geçirildi. Şol ýaryşa Türkmenistandan alty türgen gatnaşdy diýip, Halkara habar beriş merkezi ýazýar.
Maksikanyň Gwadalahara şäherinde geçirilen Ýetginjekleriň agyr atletika boýunça dünýä çempionatynda jemi 44 ýurtdan 229 ştangaçy ýigrimi agram kategoriýada medal almak ugrunda bäsleşdi (hersinden 10 oglan we gyz).
Geçen ýaryşda Gaýgysyz Töräýew, Anamjan Rüstamowa we Şahzadbek Mätýakubow öz agram kategoriýalarynda üstünlikli çykyş edip, baýrak aldylar. Anamjan Rustamowa 81 kilograma çenli agram derejesinde bäsleşdi we siltäp almakda 104 kg agramy göterip bildi. Bu netije bilen ol ýetginjekleriň arasynda Aziýanyň täze rekordçysy bolmagy başardy.
Baýrak alan türgenlere Hormat hatlary we gymmatly baýraklar gowşuryldy. Gwadalahara şäherinde agyr atletika boýunça dünýä çempionaty 15-23-nji noýabr aralygynda geçirildi.
