2023-nji ýylyň 27-28-nji noýabrynda Aşgabatda uly Ykdysady hyzmatdaşlyk boýunça hökümetara türkmen-azerbaýjan toparynyň nobatdaky ýedinji mejlisini geçirmek meýilleşdirilýär. Foruma taýýarlyk görlüşi barada wise-premýer B.Atdaýew Hökümet mejlisiniň barşynda habar berdi.
Bellenilişi ýaly, mejlise, esasan, nebitgaz pudagynda, dokma senagatynda, oba hojalyk we azyk önümçiliginde, gurluşykda we gurluşyk harytlarynda, derman senagatynda, şeýle hem ulag-logistika, maglumat tehnologiýalary ulgamlarynda we beýleki ugurlarda işleýän kompaniýalar gatnaşar.
Şeýle hem forumyň çäklerinde azerbaýjan kompaniýalarynyň we ýurdumyzyň işewür toparlarynyň wekilleriniň arasynda ikitaraplaýyn duşuşyklaryň we gepleşikleriň birnäçesini geçirmek göz öňünde tutulýar.
Forumyň jemleri boýunça degişli resminamalaryň gol çekilmegine garaşylýar.
