28 – 30-njy noýabr aralygynda Aşgabatda ilkinji gezek “Agro-Pak Türkmenistan – 2023” atly häzirkizaman azyk önümçilik tehnologiýalarynyň halkara sergisi geçiriler. Çäre Türkmenistanyň Söwda-senagat edarasy bilen “Sofuar” türk kompaniýasy tarapyndan bilelikde gurnalýar.
Sergä döwlet eksponentlerinden başga-da, Azerbaýjandan, Germaniýadan, Hytaýdan, Moldowadan, Özbegistandan, Türkiýeden we beýleki ýurtlardan degişli kompaniýalar we kärhanalar gatnaşar.
Sergide azyk önümleriniň, gaplama önümleriniň önümçiligi üçin enjamlar, azyk senagat tehnologiýalary, däne saklaýyş we üweýiş ulgamlary, bagbançylyk we tokaý ösdüriş, guşçulyk we maldarçylyk, suwaryş pudagynda öňdebaryjy çözgütler, şeýle-de oba hojalyk önümleri, tohumlar, dökünler we ş.m. görkeziler.
