Fransiýanyň Pariž şäherinde ÝUNESKO-nyň Baş konferensiýasynyň 42-nji sessiýasy açyldy. Forumyň işine Türkmenistanyň medeniýet ministri Atageldi Şamyradowyň ýolbaşçylygyndaky türkmen wekiliýeti hem gatnaşýar diýip, Türkmenistan Halkara Habarlar portaly habar berýär.
Konferensiýanyň umumy mejlisinde çykyş etmek bilen Atageldi Şamyradow Türkmenistanyň ÝUNESKO bilen soňky ýyllarda giňelýän hyzmatdaşlygynyň netijeliligini we köptaraplaýynlygyny belledi. Ministr bilelikdäki taslamalary durmuşa geçirmekde, şol sanda medeniýet, ylym we bilim, ekologiýa we ýaşlar syýasaty pudaklarynda gazanylan üstünlikleri sanap geçmek bilen, geljekki gatnaşyklaryň mümkinçiliklerine ünsi jemledi.
Beýik türkmen şahyry Magtymguly Pyragynyň 300 ýyllyk ýubileýine we ÝUNESKO-nyň ýubileý seneleriniň hatarynda ony bellemek inisiatiwasyna aýratyn üns berildi.
ÝUNESKO-nyň Baş direktory Odri Azule we forumyň wekilleri 2024-nji ýylda Türkmenistanyň ÝUNESKO bilen hyzmatdaşlygynyň 30 ýyllygy mynasybetli geçiriljek dabara çagyryldy.
ÝUNESKO-nyň Baş konferensiýasy öz işini 27-nji noýabra çenli dowam etdirer.
