Ispaniýanyň “Barselonasynyň” we Braziliýanyň milli ýygyndysynyň öňki futbolçysy Ronaldino “FourFourTwo” žurnaly tarapyndan 2000-nji ýyllaryň esasy futbol nyşany hökmünde saýlandy. Sanaw neşiriň resmi saýtynda hödürlendi diýip, gazeta.ru habar berýär.
Ronaldino Braziliýanyň milli toparynyň düzüminde 2002-nji ýylyň dünýä çempionydyr. Ol 2004-nji we 2005-nji ýyllarda Halkara Futbol Federasiýasy (FIFA) tarapyndan dünýäniň iň gowy futbolçysy diýlip ykrar edildi. 2005-nji ýylda “Altyn topuň” eýesi boldy. Ol dürli döwürlerde “Gremio”, “Flamengo”, “Atletiko Mineýro”, “Fluminense”, “Pari Sen-Žermen” we “Milan” üçin çykyş etdi. Ronaldino 2018-nji ýylda karýerasyny tamamlady.
2000-nji ýyllaryň esasy futbol nyşanlarynyň ilkinji onlugy:
- Ronaldino (Braziliýa);
- Kriştianu Ronaldu (Portugaliýa);
- Týerri Anri (Fransiýa);
- Aleks Fergýuson (Şotlandiýa);
- Ronaldo (Braziliýa);
- Zinedin Zidan (Fransiýa);
- Lionel Messi (Argentina);
- Ueýn Runi (Angliýa);
- Žoze Mourinýu (Portugaliýa);
- Dewid Bekhem (Angliýa).
