Messi «MLS-iň iň gowy täze oýunçysy» baýragyny alyp bilmedi

  • 04.11.2023 16:14
  • 11k+
Messi «MLS-iň iň gowy täze oýunçysy» baýragyny alyp bilmedi

«Inter Maýaminiň» argentinaly hüjümçisi Lionel Messi Demirgazyk Amerikanyň Esasy futbol ligasynyň (MLS) möwsümiň iň gowy täze oýunçysy ady ugrunda göreşde utuldy. Bu barada ýaryşyň metbugat gullugyna salgylanyp, gazeta.ru habar berýär.

Möwsümiň iň gowy täze oýunçysy «Atlantanyň» gresiýaly hüjümçisi Ýorgos Ýakumakis boldy. Hüjümçiniň hasabynda MLS-iň 27 oýnunda 17 gol bar. “Atlanta” Gündogar konferensiýasynyň ýaryş jedwelinde altynjy orny eýeledi we pleý-offa gatnaşmaga hukuk gazandy.
Messiden we Ýakumakisden başga-da, bu baýraga “Sent-Luisiň” germaniýaly hüjümçisi Eduard Lewen hem dalaş etdi.
«Inter Maýami» üçin 14 oýundan soň Messiniň hasabynda 11 gol we bäş netijeli geçirim bar.

Kamerunly Braýan Mbemo “Mançester Ýunaýtediň” oýunçysy boldy
düýn 15:15
4.4k+

Kamerunly Braýan Mbemo “Mançester Ýunaýtediň” oýunçysy boldy

Hüjümçi Braýan Mbemo “Brentforddan” “Mançester Ýunaýtede” geçdi. Transfer barada iňlis klubunyň resmi saýtynda habar berilýär. Kamerunly futbolçy bilen şertnama ýene bir möwsüm uzaltmak mümkinçiligi bilen 2030-njy ýylyň tomsuna çenli hereket edýär...

BYD “Interiň” hyzmatdaşy boldy we oýunçylara, tälimçilere hem menejerlere 70 ulag berer
düýn 14:30
5k+

BYD “Interiň” hyzmatdaşy boldy we oýunçylara, tälimçilere hem menejerlere 70 ulag berer

Milanyň “Inter” futbol kluby Hytaýyň BYD awtoöndürijisi bilen hyzmatdaşlyk şertnamasyny baglaşdy. 2028-nji ýyla çenli niýetlenen hyzmatdaşlygyň çäklerinde kompaniýa klubuň oýunçylary, tälimçiler ştaby we top-menejmenti üçin 70 töweregi elektromobil we gibrid hödürlär...

EA Sports FC 26 bildiriş edildi: Täze futbol simulýatory barada bilmeli zatlar
düýn 06:47
5.1k+

EA Sports FC 26 bildiriş edildi: Täze futbol simulýatory barada bilmeli zatlar

Electronic Arts täze EA Sports FC 26 futbol simulýatoryny bildiriş etdi. Ol 2025-nji ýylyň 26-njy sentýabrynda çykar. Ultimate Edition neşiriniň eýeleri oýna bir hepde öň, 19-njy sentýabrdan başlap girip bilerler...

“Çelsi” maliýe düzgünlerini berjaý etmändigi sebäpli ÇL-de täze oýunçysyz galyp biler
22.07.2025 19:34
6.2k+

“Çelsi” maliýe düzgünlerini berjaý etmändigi sebäpli ÇL-de täze oýunçysyz galyp biler

UEFA maliýe fair-play düzgünlerini bozandygy üçin “Çelsä” Çempionlar ligasyna gatnaşmak üçin täze oýunçylary hasaba almagy gadagan etdi. Bu barada The Times gazeti habar berdi. Mesele çykdajylaryň ahyrky çäkden geçmegi boldy: klub ýyllyk girdejiniň rugsat berlen 80%-inden köp sarp etdi we soňky üç ýylda 60 mln ýewro möçberde ýitgi çekdi...