Türkmen türgenleri 16-njy noýabrdan 20-nji noýabr aralygynda ABŞ-da geçiriljek uşu boýunça dünýä çempionatyna taýýarlyk görýärler. Milli topar ýakynda geçirilen ýurduň Kubogynda baýrak alan türgenlerden düzüldi diýip, “MIR 24” habar berýär.
Topar hepdede alty gün, irden we agşam iki sagat türgenleşýär. Olary ýaryşa Şirmyrat Berdiýew taýýarlaýar. Ol bu wezipede 2012-nji ýyldan bäri işläp, häzire çenli dürli derejedäki halkara ýaryşlarynyň ençeme baýrak eýelerini taýýarlady. Milli toparyň düzüminden Baýrammyrat Babaýew uşu bilen on ýaşyndan bäri meşgullanýar. Onuň hasabynda abraýly ýaryşlarda birnäçe ýeňiş bar. Türgeniň aýtmagyna görä, ol geljekde tälimçi bolmak we öz halypasynyň göreldesine eýerip, ýaş türgenleri taýýarlamak isleýär.
Türkmenistanda uşu bilen 2000-den gowrak türgen meşgullanýar. Häzirki wagtda ýurtda 40-dan gowrak tälimçi işleýär.
