Koreýa Respublikasynyň Daşky gurşawy goramak ministri Han Hwa Çžin suw hojalygy pudagynda Seulyň Türkmenistan bilen hyzmatdaşlyga gyzyklanma bildirýändigini aýtdy. Ýagny, gürrüň suw resurslaryny toplumlaýyn dolandyrmak, deňiz suwuny süýjetmek boýunça özara hyzmatdaşlyk etmek, şeýle-de degişli edaralar bilen aragatnaşyk saklamak barada gidýär. Bu barada Sisun News-e salgylanyp, Orient habar berýär.
Aşgabatda geçirilýän “Merkezi Aziýa – Koreýa Respublikasy” 16-njy hyzmatdaşlyk forumynyň çäklerinde Günorta Koreýanyň bu ugurdaky kompaniýalarynyň wekilleriniň we resmi şahslarynyň MA-dan kärdeşler bilen duşuşygynyň dowamynda göz öňünde tutulýan mümkinçilikleriň eksportynyň düýbüni tutmak meýilleşdirilýär.
“Biz suw resurslaryny toplumlaýyn dolandyrmak we deňiz suwuny süýjetmek ýaly hyzmatdaşlygyň amaly çärelerini öwrenmek arkaly suw pudagynyň eksporty üçin esas goýmagy meýilleşdirýäris” – diýip, ministr belledi.
Güýzüň soňky aýynyň başlanmagy Aşgabat forumynyň çäginde Merkezi Aziýa Respublikalarynyň we Koreýa Respublikasynyň iri kompaniýalarynyň we döwlet edaralarynyň arasynda işjeň gepleşikleriň başlanmagy bilen bellendi. Taraplar ikitaraplaýyn gatnaşyklaryň çäklerinde eýýäm birnäçe resminama gol çekdiler.
