“Inter Maýami” amerikan futbol klubunyň we Argentinanyň milli ýygyndysynyň hüjümçisi Lionel Messi karýerasynda iň gowy görýän goly baradaky soraga jogap berdi. Report agentliginiň belleýşi ýaly, hüjümçi iň möhüm gollaryň Çempionlar ligasynyň finalynda, dünýä çempionatynyň finalynda salnan gollardygyny aýdýar.
“Meniň “Realyň” derwezesine geçirilen gol hemişe ýadymda, biz şonda “Santýago Bernabeuda” Çempionlar ligasynyň oýnunda olary 2:0 hasabynda utupdyk” – diýip, Messi belleýär.
Ýatladyp geçsek, bu oýun 2011-nji ýylda Çempionlar ligasynyň ýarym finalynda geçirildi. Ilkinji duşuşyk “Barselonanyň” 2:0 hasabynda utmagy bilen tamamlandy. Jogap duşuşygy 1:1 hasabynda tamamlandy.
