Konor Makgregor oktagona haçan dolanyp biljekdigini aýtdy

  • 31.10.2023 12:11
  • 29k+

Iki agram kategoriýasynda UFC-niň öňki çempiony Konor Makgregor (22-6) aprel aýynda söweşip biljekdigini aýtdy. Şol aý UFC 300 ýaryşy geçiriler. Bu barada sport-express.ru belleýär.

“Men aprel aýynda dolanyp gelmek isleýärin. Ondan öň uly höwes bilen çykyş ederdim, ýöne hakykatçyl bolsak, men doly dikelip, gowy formada gelmek isleýärin. Aprel aýynda dolanaryn diýip pikir edýärin.

Maňa eýýäm üç ýyl bäri söweşmäge mümkinçilik berenoklar. Düşüniň. Men şikes aldym we ýeňildim. Siz Aleksandr Wolkanowskiniň näme diýenini eşitdiňizmi? Men öz durmuş ýörelgäme gaýdyp gelmeli. Bu meniň işim. Bu gynandyrmanam duranok. Maňa diňe sene gerek. Maňa senäni aýdyň. Boldy.
Eger men boksçy bolan bolsam, dikelmegim üçin ýönekeý bir garşydaşy bererdiler. Ýöne MMA-da seni bir akulanyň, bir-de ýolbarsyň sürenine oklaýarlar. Ýagdaý şeýleräk we bu kadaly zat. Men oktagona dolanyp, işjeň bolmak isleýärin. Karýeramy tamamlamazdan ozal iň gowy söweşiji bolmak isleýärin. Munuň üçin islendik söweşijä hemişe bäsdeşlik gerek” – diýip, Makregor MMA Junkie bilen söhbetdeşlikde aýtdy.
Makregor we Maýkl Çendler (23-8) The Ultimate Fighter 31-de halypa boldular. Olar 2024-nji ýylda duşuşmaly.


23.06.2025 13:49
9.5k+

Agyr agramda UFC-niň çempiony Jon Jons karýerasyny tamamlady. Guşak Aspinalla geçdi

Agyr agramda UFC-niň çempiony Jon Jons 37 ýaşynda karýerasyny tamamlady. Bu barada söweş guramasynyň prezidenti Dana Uaýt Azerbaýjanda metbugat maslahatynda aýtdy. Bu ýerde UFC Fight Night ýaryşy geçirildi. “Jon Jons düýn agşam jaň edip, karýerasyny tamamlaýandygyny aýtdy...

21.06.2025 02:42
20k+

Abdulla Babaýew Fight Nights-yň ýaryşynda garşydaşyny demikdiriji usul bilen ýeňdi

Garyşyk söweş sungatynyň türkmenistanly wekili Abdulla Babaýew halkara ýaryşlarynda üstünlikli çykyşlaryny dowam edýär. Bu gezek ol Ulýanowskide (Russiýa) geçirilen Fight Nights ýaryşynda russiýaly garşydaşy Habib Guseýnowdan üstün çykdy...

15.06.2025 22:33
9.7k+

38 ýaşly Kamaru Usman UFC on ESPN 69 ýaryşynda Hoakin Bakliden üstün çykdy

15-nji iýunda Atlantada (ABŞ) UFC on ESPN 69 ýaryşy geçirildi. Agşamyň esasy wakasy UFC-niň öňki çempiony nigeriýaly Kamaru Usman bilen amerikaly Hoakin Bakliniň arasynda ýarym orta agramda geçirilen söweş boldy...

08.06.2025 17:30
10k+

Merab Dwalişwili rewanşda Şon O’Mellini ýeňip, iň ýeňil agramda UFC-niň çempiony titulyny gorady

8-nji iýuna geçilen gije Nýuarkda (Nýu-Jersi, ABŞ) garyşyk başa-baş söweş boýunça UFC 316 ýaryşy geçirildi. Agşamyň esasy wakasynda iň ýeňil agramda UFC-niň çempiony Merab Dwalişwili bu diwizionda öňki çempion Şon O’Mellä garşy titul goragyny geçirdi...