Tokio awtoulag sergisinde «Mazda» gizlin faralary, ýokary galdyrylýan gapylary we gibrid motoryň esasynda rotor hereketlendirijisi bolan «Iconic SP» konsept ulagyny tanyşdyrdy.
Awtoulagyň umumy uzynlygy 4180 mm, teker bazasy 2590 mm, agramy 1450 kg. Ulagyň hereketlendirijisi 370 at güýjüni öndürmäge ukyply.
«Iconic SP» ýolda durnuklylygy üpjün etmek üçin pes agyrlyk merkezine eýedir. Sürüşiň hilini gowulandyrmak üçin inženerler oklaryň arasyndaky agram paýlanyşygynyň takmynan 50:50 bolmagyny üpjün etdiler. Bortda elektrik öndürmek üçin ulanylýan rotor hereketlendiriji dürli ýangyç bilen, şol sanda wodorod bilen işläp bilýär. Bu konsept awtoulag üçin ýörite «Viola Red» reňki döredildi.
Enjamyň gibrid hereketlendirijisi daşarky energiýa sarp edijilerini hem elektrik energiýasy bilen üpjün edip – bu açyk howada dynç alyşda ýa-da tebigy betbagtçylyk ýagdaýynda gerek bolup biler.
