Fransiýanyň Milli kino we multiplikasiýa merkezi (CNC) 2024-nji ýylda Parižiň tomusky Olimpiýa we Paralimpiýa oýunlarynyň desgalarynyň ýerleşýän ýerlerinde filmleri surata düşürmegi gadagan etdi. Bu barada guramanyň saýtyna salgylanyp, rsport.ria.ru habar berýär.
Adaty we taryhy filmleriň, şeýle-de uruşly filmleriň surata düşürilişine doly gadaganlyk 16-njy iýundan 15-nji sentýabr aralygynda hereket eder. Bu Oýunlaryň sport infrastrukturasynyň obýektlerinden daşary çäkli mukdarda adaty filmleriň surata düşürilmegine degişli bolmaz. HBS-iň maglumatlaryna görä, 2023-nji ýylda bu senede Fransiýanyň paýtagtynda umumy dowamlylygy 2000 sagada golaý bolan 33 sany çeper film we 22 sany teleserial surata düşürildi.
Ýaryşlardan öňki döwürde, 16-njy martdan 15-nji iýun aralygynda adaty filmleri diňe ygtyýarnama bilen surata düşürmek bolar, ýöne ekşen-filmleri surata düşrmek gadagandyr. Bu senelerde Olimpiadany geçirmekden azat bolan sebitlerde filmleri surata düşürmäge rugsat berler. 15-nji marta çenli we 1-nji noýabrdan soň kinonyň surata düşürilişine sport desgalaryna seresaply çemeleşilmegini göz öňünde tutup rugsat berler.
