«Barselona» täze «Spotify Camp Nou-nyň» dizaýnyny hödürledi, onuň gurluşygy öňki oýun meýdança ýykylyp aýrylandan soň başlar.
Gurluşyk 2026-njy ýylda tamamlanar, ýöne resmi çaklamada täze stadionyň 2024-nji ýylyň noýabr aýyndan başlap oýunlary kabul edip biljekdigi aýdylýar. Klubuň stadionda 2030-njy ýylyň Dünýä çempionatynyň oýunlaryny we mümkin bolsa finaly geçirmek islegi bar. Täze «Spotify Camp Nou», takmynan, 104 müň janköýeri kabul edip biler, köne stadion 99 müň janköýere niýetlenendi.
Katalonlylaryň täze öýünde metrodan suw ulanjak suwaryş ulgamy bolar we Gün panelleri stadion üçin zerur bolan ähli energiýany öndürer.
«Barsa» häzirki wagtda «Monžuik» Olimpiýa stadionynda oýnaýar.
