Hytaý Halk Respublikasynyň Sport meseleleri boýunça býurosynyň Baş direktory Gao Çžidan Türkmenistanyň Bedenterbiýe we sport baradaky döwlet komitetiniň ýolbaşçylary bilen gepleşikleri geçirdi. Bu gepleşikler Hytaýda geçen “Bir guşak, bir ýol” 3-nji ýokary derejeli maslahatyna gatnaşmak üçin Türkmenistanyň resmi wekiliýetiniň iş saparynyň çäklerinde geçirildi.
Sport ulgamynda Türkmenistan bilen Hytaýyň arasynda ozal baglaşylan şertnamalary iş ýüzünde durmuşa geçirmegiň meseleleri ara alyp maslahatlaşmalaryň esasy özenini eýeledi. Bellenişi ýaly, türkmen tarapynyň haýyşy bilen ýakyn wagtda Hytaý türkmen türgenlerine tälim bermek üçin öz tälimçilerini iberer.
Duşuşygyň dowamynda Gao Çžidan türkmen türgenleriniň ýakynda Hytaýda geçirilen Aziýa oýunlarynda üstünlikli çykyş edendigini belledi. Oňa türkmen türgenleriniň 88-si gatnaşypdy. Hytaý tarapynyň nygtaýşy ýaly, türkmen türgenleri dzýudo we sportuň söweş görnüşleri boýunça oňat görkezijileri görkezdiler.
Taraplar şeýle hem, sport hereketini ýaýbaňlandyrmakda we iki ýurduň arasynda sport dialogyna goldaw bermekde özara taýýarlyklaryny mälim etdiler.
