Bitkoiniň bahasy 29 000 dollardan geçdi we şu habar neşir edilende 29 200 dollar töweregi diýip söwdalaşylýardy. Beýleki kriptopullar hem gymmatlaýar.
Seljerijiler muňa ABŞ-da ilkinji ETF-bitkoinleriň ýakyn wagtda tassyklanmagyna, şeýle hem ABŞ-nyň Gymmatly kagyzlar we biržalar boýunça komissiýasy (SEC) tarapyndan kazyýet şowsuzlyklaryna degişli temalaryň ýygy-ýygydan ara alnyp maslahatlaşylmagy täsirini ýetirýär diýip hasaplaýarlar.
Soňky 24 sagadyň dowamynda bitkoiniň hümmeti 4% ýokarlandy, ýedi günüň möhletini seljerseňiz, esasy kriptowalýuta eýýäm 10% töweregi galdy. Şol bir wagtyň özünde, BTC-iň bazar kapitalizasiýasy eýýäm 571 milliard dollar.
Hepdäniň başynda Cointelegraph kriptowalýuta metbugat serişdesi bitkoin ETF-iň tassyklanjakdygy baradaky habarlary çap edendigini ýatladýarys. Bu habar derrew ýaýrady. Şeýle-de bolsa, BlackRock entek arzasyna garalýandygyny tassyklap, myş-myşlary ret etdi. Soňra Cointelegraph bu ýazgy çap edilmezden ozal redaksiýa tarapyndan gözden geçirilmändigini aýdyp, ötünç sorady. Netijede, bitkoin 30 000-den dollardan ýokary çykyp, ýene 28 000 dollara gaýdyp geldi. Ondan soň ýene galyp başlady.
