«Lexus» ABŞ-da 2024-nji ýyl üçin niýetlenen täzelenen sedanyny tanyşdyrdy. Awtoulag daşky dizaýnynyň täze elementleri bilen «F Sport» komplektasiýasyna eýe boldy.
«F Sport» wersiýasy esasy «IS300» nusgasynda elýeterlidir. Ol 19 dýuýmlyk teker diskleri, şeýle hem alýumin pedallar, öňdäki oturgyçlaryň wentilýasiýasy we rulunyň täze dizaýny hem-de ony gyzdyrmak mümkinçiligi bilen üpjün edildi. «IS300-iň» yzky tekerleri hereketli görnüşi 241 at güýjüni öndürýän 2.0 benzinli turbo hereketlendirijisi bilen enjamlaşdyrylandyr. Ähli tekerleri hereketli «IS300» bolsa 260 at güýji kuwwaty bolan 3,5-lyk V6 hereketlendirijisi bilen üpjün ediler.
«Lexus IS 350-iň» «F Sport» görnüşiniň goşmaça daşky bezeg toplumy gara reňkli «BBS» markaly tekerleri, gara aýnalary we gyralary gara reňkde hromlanan penjireleri öz içine alýar.
472 at güýjüni öndürýän 5.0 litrlik V8 hereketlendirijisi bolan iň kuwwatly «IS500» 19 dýuýmlyk tekerler bilen enjamlaşdyrylan, salonyň bezegi bolsa gök reňkde amala aşyryldy.
