Microsoft korporasiýasynyň Activision Blizzard neşirýatyny satyn almagynyň gürrüňi iki ýyla golaý dowam etdi.
Amerikan ägirtleri dünýä düzgünleşdirijileriniň we bäsdeşleriniň çynlakaý synaglaryndan geçdiler we bu geleşigiň aç-açanlygyny we kanunylygyny subut etmegi başardylar.
Ine-de ol resmi taýdan yglan edildi: Activision Blizzard hem-de onuň ähli studiýalary we brendleri Xbox ekoulgamynyň bir bölegine öwrüldi.
Microsoft korporasiýasy Call of Duty, Guiter Hero, Warcraft, Starcraft, Toni Hawk's Pro Skater, Prototype, Spyro, DJ Hero, Skylanders, Diablo, Overwatch we Candy Crush ýaly mega-franşizalara hukuk gazandy.
Bu oýunlaryň köpüsi ýakyn wagtda Xbox Game Pass-da elýeterli bolar.
Bu oýun pudagynyň taryhynda iň uly şertnamadyr, onuň gymmaty 68,7 milliard dollar diýlip bahalandyrylýar!
Xbox-yň baş direktory Fil Spenser öz toparynyň täze agzalaryny gutlady we bilelikde wideo oýunlar pudagyny düýbünden başga derejä çykarjakdyklaryna ynam bildirdi.
