«New York Post» gazetiniň berýän habaryna görä, amerikaly bir adamyň Powerball lotereýasy 1,76 milliard dollar utdy. Ýeňiji sanlar 22, 24, 40, 52, 64 boldy, 10 belgili top gyzyla düşdi, ýeňijiniň ady entek belli däl.
Petek Los-Anjelesden 75 km uzaklykda ýerleşýän Frazýer Parkdaky (Kaliforniýa) dükandan satyn alnypdyr. Täze milliarderiň lotereýa üçin her gün dükana gatnaýan ýerli ýaşaýjy bolmagy ähtimal.
“Käbirleri her gün petek almak üçin gelýärler. Biz olaryň ählisini atma-at bilýäris. Olaryň içinden biriniň begenç bilen gygyrjagyna ynanýaryn. Adamlaryň köpüsi: “Ýeňsem, size täze ýük ulag satyn alyp berjek” diýýärdi. Hany, onda meniň ýük ulagym nirede? Men garaşýaryn - diýip, ýeňijä petek satan dükanyň gijeki dükançysy degişýär.
Jekpotyň ýeňijisi 29 ýylyň dowamynda 30 tölegden 1,76 milliard dollar alyp biler ýa-da bir gezekde 774,1 million dollar alyp biler.
