Rolls-Royce kompaniýasy dizaýny doly Gün tutulmasyndan ruhlanan Ghost Black Badge seriýasyny çykardy. Awtoöndüriji sedany asman hadysasynyň sebäpleri bilen bezedi.
Awtomobiliň iň täsirli detallarynyň biri potologyň Starlight animasiýa bezegi boldy. Haçan-da hereketlendiriji işledilende, kelläň üstünde 940 yşyk diodyndan ybarat tegelek peýda bolýar. Ol, köplenç, doly Gün tutulmasy wagtynda görünýän Gün aýtymyny şöhlelendirýär. Şekil dogry 7 minut 31 sekunt dowam edýär – bu tutulmanyň ýyldyzly asmana dolanyp barmazdan ozal bolup geçmegi üçin maksimal wagtdyr.
Ghost Black Badge bamperde, tekerlerde we tormoz supportlarynda mämişi reňkler bilen üsti ýetirilen Lyrical Copper bilen reňklendi. Awtoöndüriji mämişi reňki kuzowyň liniýasy üçin hem ulanýar.
Enjam panelinde “doly Gün tutulmasynyň simwoliki şkalasyny” döredýän lazer bilen ýerine ýetirilen 1846 ýyldyz şekillendirilendir. Enjam panelinde Gün tutulmasynyň şekiliniň gapdalynda sargyt boýunça taýýarlanan 0,5 karat brilliantly sagat ýerleşýär.
Awtoöndüriji modeliň önümçiligini bary-ýogy 25 nusga bilen çäklendirýär. Onuň ilkinji gezek görkezilişi 14-nji oktýabrda boljak Gün tutulmasy bilen gabat gelýär. Hadysany Günbatar ýarym şarynyň käbir böleklerinde görmek bolar.
Ýeri gelende bellesek, bu Rolls-Royce-yň ýyldyzlardan ylham alan ilkinji gezegi däldir. 2021-nji ýylda kompaniýa dizaýnynda pulsar ýyldyzlary ulanylan Phantom Tempus modelini çykarypdy.
