Günorta Afrika Respublikasynyň ilaty 62 027 503-e ýetdi. Muny Günorta Afrikanyň baş statistikaçysy Risenga Maluleke 2022-nji ýyldaky ilat ýazuwynyň netijeleri bilen ýurduň prezidenti Siril Ramaposa hasabat bermek bilen yglan etdi.
Ol: "Öňki ilat ýazuwy - 2011-nji ýylda geçirilen ilat ýazuwy bilen deňeşdirilende, Günorta Afrikanyň ilaty 10,3 million köpeldi – diýip belledi. - Gara tenliler ilatyň 81,4%-ni, reňkliler – 8,2%-ni, akýagyzlar – 7,3%-ni, asly hindi gelip çykyşly günorta afrikalylar - 2,7%-ni eýeleýär. " Maluleke Günorta Afrikanyň akýagyz ilatynyň çalt azalmagy prosesiniň dowam edýändigini aýtdy. Şeýlelikde, ol 1996-njy ýylda 11% boldy.
Ramaposa, öz gezeginde, aparteid ulgamy dargandan soň, Günorta Afrikanyň täze we tertip boýunça dördünji ilat ýazuwynyň häkimiýetlere ýurduň ösüşini has takyk meýilleşdirmäge mümkinçilik berjekdigini aýtdy. Ol: "Ýaşaýan ýurdumyz baradaky ylmy maglumatlar ykdysady we sosial ösüş üçin iň netijeli ýollary tapmaga kömek eder – diýip belledi. - Hökümet has takyk maýa goýum syýasatyny alyp barmak üçin gural hem aldy".
