Halkara marketing kompaniýasy “Inter Maýami” bilen “Al-Nasryň” arasynda ýoldaşlyk oýnuny guramakçy bolýar. Bu barada žurnalist Ali Al-Enezi öz “Twitterinde” habar berýär diýip, championat.com belleýär.
Çeşmäniň maglumatlaryna görä, bu oýna Kriştianu Ronaldu bilen Lionel Messiniň gatnaşmagy göz öňünde tutulýar. Ýoldaşlyk oýnunyň Hytaýda geçirilmegine garaşylýar.
Ýatlap geçsek, Messi 2023-nji ýylyň tomsunda “Inter Maýamä” geçdi. Oýunçynyň klub bilen şertnamasy 2025-nji ýyla çenli niýetlenýär. Ronaldu, öz gezeginde, 2023-nji ýylyň ýanwar aýyndan bäri “Al-Nasrda” çykyş edýär. Onuň klub bilen şertnamasy 2025-nji ýyla çenli niýetlenýär.
Öň, Messi we Ronaldu Ispaniýanyň çempionatynda çykyş edýärdi. Argentinaly hüjümçi “Barselonada”, Ronaldu “Realda” oýnaýardy.
