Malaýziýadan zehinli 10 ýaşly gyzjagaz gözi daňylgy küşt döwüsini çalt ýerber-ýer goýuşdyrmak boýunça rekordy täzeledi. Ol 45,72 sekuntda gara we ak mallary öz başlangyç orunlaryna goýmagy başardy diýip, MIR24 habar berýär.
Punitamalar Rajaşekar bäş ýaşynda küşt oýnap başlaýar. Ol mekdebinde iň gowy küşt oýunçysy bolup, umumymilli ýaryşlara yzygiderli gatnaşýar we Halkara küşt federasiýasynyň agzasydyr. Ony öz kakasy türgenleşdirýär.
Mekdep okuwçysy adamlaryň ajaýyp üstünlikleri baradaky dokumental filme tomaşa edeninden soň dünýä rekordyny goýmak kararyna gelýär. Ol öz maksadyny goýmak we mümkinçilikleriniň çäginden çykmak pikiri bilen ruhlanýar. Gyzjagaz usullaryna we strategiýalaryna düşünmek üçin öňki rekord eýeleriniň wideolaryny öwrenip başlaýar. Rekorda taýýarlanmak üçin ol dört aý sarp etdi diýlip, Ginnesiň rekordlar kitabynda bellenilýär.
