14-nji we 29-njy oktýabrda Günüň halka şekilli tutulmagyna we Aýyň bölekleýin tutulmagyna garaşylýar.
14-nji oktýabrda, Aşgabat wagty bilen 20:05-den 01:55-e çenli Günüň öňüne geçen Aýyň töwereginde otly halkanyň emele gelmegi bilen, Gün tutulmagyna garaşylýar. Iň ýokary tapgyr 0,95 bolar we Aşgabat wagty bilen 23:00-da synlamak bolar.
"Gün tutulmasy dürli tapgyrlarda Demirgazyk we Günorta Amerikada, Ýuwaş ummanynda we Atlantik ummanlarynda bolar" – diýip, Moskwa Planetariýasynda takykladylar.
29-njy oktýabrda Aşgabat wagty 00:36-dan 01:53-e çenli bölekleýin Aý tutulmasy bolar. Aý Ýeriň kölegesiniň demirgazyk böleginden geçer. Aý tutulmasynyň iň uly tapgyry 0,12 bolar we Aşgabat wagty 01:13-de synlamak bolar.
"Aý tutulmasy şol wagt nirede gije bolsa, şol ýerde görner. Russiýanyň we GDA ýurtlarynyň ilaty (gündogar sebitlerden başga) Aý tutulmasynyň ähli tapgyrlaryny görerler" – diýip, planetariýada TASS-a düşündiriş berdiler we bu hadysany Ýewropa, Aziýa, Awstraliýa, Afrika, Demirgazyk sebitlerinde we Günorta Amerikanyň käbir böleklerinde, Ýuwaş, Atlantik, Hindi ummanlary, Arktika we Antarktida sebitlerinde hem syn etmek bolar diýip, sözleriniň üstüne goşdular.
Gün bilen Aýyň tutulmagy her alty aýdan bir gezek ýüze çykýar, olaryň arasyndaky wagt aralygy iki hepde. Şeýle pursatlarda Gün, Ýer we Aý bir hatara düzülýärler. Gün tutulmasy wagtynda Aý ortada, Aý tutulanda bolsa Ýer ortada bolýar.
