Amerikaly aýdymçy we 12 gezek “Gremmi” aýdym-saz baýragynyň eýesi Teýlor Swift Spotify-da bir aýda 100 mln diňleýji ýygnan ilkinji aýdymçy hökmünde taryha girdi. Bu ýokary netije barada Ginnesiň rekordlar kitaby habar berdi.
Diňleýjileriň sanynyň artmagy gaýtadan ýazylan we 2023-nji ýylyň 7-nji iýulynda çykan Speak Now (Taylor’s Version) albomy, şeýle-de onuň Ears Tour aýdym-saz syýahatynyň uly üstünligi bilen baglanyşyklydyr.
Ginnesiň rekordlar kitabynyň belleýşi ýaly, aýdymçy 29-njy awgustda rekord goýdy: şol gün onuň Cruel Summer, August, Style, Blank Space we Anti-Hero kompozisiýalary Spotify-da iň meşhur 50 aýdymyň hataryna girdi. Şeýlelik bilen, 33 ýaşly Swift Maýli Saýrusyň rekordyny täzeledi, onuň Flowers aýdymy şu ýylyň mart aýynda Spotify-da 81 mln diňleýji ýygnapdy.
Saýrusdan öň bu rekord zenan aýdymçylaryň arasynda Dua Lipa degişlidi – ol bir aýda 65,6 mln diňleýji ýygnady, has öň 46,9 mln diňleýji bilen amerikaly aýdymçy we aktrisa Ariana Grande öňdebaryjydy.
Erkekleriň arasynda rekordy 2023-nji ýylyň mart aýynda 101,3 mln diňleýji ýygnan kanadaly aýdymçy The Weeknd saklaýar. Ol 100 mln bellige ýeten ilkinji artist boldy.
