21-nji sentýabrda türkmen dzýudoçylaryndan ybarat topar şenbe güni Hytaýyň Hançžou şäherinde açylýan XIX tomusky Aziýa oýunlaryna gatnaşmak üçin şähere geldiler. Bu barada “Türkmenistan: Altyn asyr” habar berýär.
Olar soňky 1,5 aýy Zagrebde, Walensiýada, Daşkentde we Bakuwda geçirilen ýaryşlarda we türgenleşik ýygnanyşyklarynda geçirdiler.
Dzýudoçylarymyz Hançžoudaky Aziýa oýunlaryna Azerbaýjanyň paýtagtyndan Urumçiniň üstünden üstaşyr geçip bardylar, olar iki uçarda jemi 10 sagat uçdular.
Toparyň düzüminde 8 türgen bar: dört erkek we dört zenan. Olaryň ählisi köp sanly daşary ýurt ýaryşlaryna gatnaşyjylardyr, ýöne Aziýa oýunlarynda ilkinji gezek çykyş ederler. Olaryň arasynda halkara ýaryşlarynyň ýeňijileri we baýrakçylary, şol sanda 2024-nji ýylda Parižde geçiriljek Olimpiýa oýunlaryna gatnaşmaga dalaşgärler hem bar.
Aziýa oýunlarynyň programmasynda dzýudoçylaryň ýaryşy 24-nji sentýabrda başlar.
Ýatlap geçsek, dzýudodan başga-da, Aziadada türkmen türgenleri 3x3 basketbolynda, boksda, erkin we grek-rim göreşinde, jiu-jitsuwda, kuraş göreşinde, karatede, ýeňil atletikada, suwda ýüzmekde, agyr atletikada we uşuda çykyş ederler.
