11-nji sentýabrda Electronic Arts korporasiýasy EA Sports FC 24 oýnunda görkeziljek iň gowy 24 futbolçynyň sanawyny hödürledi. Netijede, Ultimate Team režiminde futbolçylaryň häzirki aýratynlyklaryny görkezmegiň taryhynda ilkinji gezek Kriştianu Ronaldunyň we Lionel Messiniň öňdebaryjylaryň arasyna goşulmandygy belli boldy – öň, olaryň ikisi-de EA tarapyndan iň gowy türgenleriň öňdebaryjy orunlarynyň hataryndady. Bu barada championat.com habar berýär.
Geljekki futbol simulýatorynda Lionel Messiniň ortaça reýtingi 90 boldy. Şol bir wagtyň özünde, Kilian Mbappeniň, Erling Holandyň, Kewin de Brýoýneniň we Aleksiýa Putelýasyň ortaça ballary 91-e deň. Kriştianu Ronaldu barada aýdylanda, maglumatlara görä, ol bary-ýogy 86 bal alyp, hatda ilkinji 50-lige girmez.
EA Sports FC 24 29-njy sentýabrda şahsy kompýuterlerde we konsollarda çykar. Oýnuň maksimal çykyşynyň eýeleri we EA Play hyzmatynyň abunaçylary oýna aýyň 22-sinden başlap bilerler.
