11-nji sentýabrda Türkmenistanda resmi saparda bolýan Russiýa Federasiýasynyň Sankt-Peterburg şäheriniň gubernatory Aleksandr Beglowyň ýolbaşçylygyndaky wekiliýet Arkadag şäherinde bolup, onuň çäklerinde şäheriň häkimliginiň binasynda Arkadag we Sankt-Petreburg şäherleriniň arasynda ikitaraplaýyn resminamalara gol çekmek dabarasy boldy.
Arkadag şäheriniň häkimi Ş.Durdylyýew bilen Sankt-Peterburg şäheriniň gubernatory A. Beglowyň arasynda geçirilen gol çekmek dabarasyna russiýaly myhmanlar, häkimligiň işgärleri we köpçülikleýin habar beriş serişdeleriniň wekilleri gatnaşdylar.
Dabaranyň çäklerinde “Arkadag şäheriniň häkimligi bilen Sankt-Peterburgyň Hökümetiniň arasynda söwda-ykdysady, ylmy-tehniki we ynsanperwer babatda hyzmatdaşlyk etmek hakynda Ylalaşyga” we “Arkadag şäheriniň häkimligi bilen Sankt-Peterburgyň Hökümetiniň arasynda 2023—2027-nji ýyllarda söwda-ykdysady, ylmy-tehniki we medeni ugurlarda hyzmatdaşlyk etmek barada çäreleriň Meýilnamasyna — “Ýol kartasyna” gol çekdiler.
