Filippinlerde Pasaý şäherinde «Moll of Aziýa-Arena» stadionynda Germaniýa bilen Serbiýanyň milli ýygyndylary 2023-nji ýylda basketbol boýunça dünýä çempionatynyň finalynda duşuşdylar. Finalda nemes basketbolçylary 83:77 hasap bilen garşydaşlaryndan üstün çykdylar.
Duşuşygyň iň netijeli oýunçysy Dennis Şröder boldy, onuň hasabynda 28 utuk bar. Serbiýanyň düzüminden iň netijeli oýunçy 21 utuk bilen Aleksa Awramowiç boldy.
Germaniýa çempionatda sekiz duşuşygynyň ählisinde hem ýeňiş gazandy. Serbiýalylar toparlaýyn tapgyrda Italiýadan 76:78 hasabynda asgyn geldiler.
Belläp geçsek, üçünji ýer üçin duşuşykda Kanadanyň milli ýygyndysy ABŞ-nyň milli ýygyndysyndan üstün çykdy.
