Sankt-Peterburgyň gubernatory Aleksandr Beglow Peterburgyň Hökümet wekiliýetine ýolbaşçylyk edip, resmi sapar bilen Aşgabada geldi.
Habar berlişi ýaly, Aşgabatda A.Beglow Türkmenistanyň Prezidenti Serdar Berdimuhamedow bilen duşuşar diýip, spbdnevnik.ru saýty habar berýär.
Şeýle hem saparyň çäklerinde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow hem-de beýleki resmi adamlar bilen duşuşyklar meýilleşdirildi.
Mundan başga-da, Peterburgyň gubernatory Arkadag şäherine baryp görer. Arkadag şäheriniň häkimi Ş.Durdylyýew bilen duşuşygyň çäklerinde Sankt-Peterburgyň Hökümeti bilen Arkadag şäheriniň häkimliginiň arasynda hyzmatdaşlyk etmek hakynda Ylalaşyga gol çekiler.
A.Beglow Türkmenistanda ýaşaýan Beýik Watançylyk urşy ýyllarynda Leningradda gabawda bolan ýaşaýjylar bilen duşuşar. Duşenbe güni Aşgabatda «Dostluk» ýadygärliginiň düýbüni tutmak dabarasy geçiriler. Bu ýadygärlik Beýik Watançylyk urşy ýyllarynda gabawda bolan Leningradyň ýaşaýjylaryny kabul eden türkmen halkyna minnetdarlygyň nyşany hökmünde oturdylar.
Saparyň maksatnamasynda şeýle hem, «Wozroždeniýa» peterburg kompaniýasynyň Türkmenistanda guran desgalaryna baryp görmeklik bar.
