«Android» ykjam operasion ulgamy dört ýyldan soň ilkinji gezek logotipini täzeledi. Täze surat we onuň düşündirişi «Google-yň» resmi web sahypasynda ýerleşdirildi.
2023-nji ýyldaky logotip öňki nusgadan, ilkinji nobatda, «Android» sözüniň ýazylyşy bilen tapawutlanýar. Öňki nusgada bu at kiçi «a» harpy bilen başlanýardy, indi bolsa baş «A» harpy ulanylýar. Operasion ulgamyň nyşany bolan robotyň keşbi hem üýtgedi – ol has göwrümli boldy.
«Droid» – «Android-iň» «ýüzi» we iň meşhur elementi - indi onuň keşbiniň has köp nusgasy we aýratynlyklary bar. biz onuň «Android-iň» özi ýaly dinamik görünmegini isledik. Şeýle hem onuň sanly we hakyky gurşawyň arasynda aňsatlyk bilen geçmegine mümkinçilik bermek üçin robotyň doly göwrümli görnüşini täzeledik, bu bolsa ony ähli ýaýlymlar, şeýle hem ähli platformalar we kontekstler boýunça köptaraply we ygtybarly ýoldaş edýär» diýlip, web sahypada bellenilýär.
«Google-yň» brend menejeri Jeýson Furnýeniň bellemegine görä, «Android-iň» täze dizaýny enjamlaryň we programmalaryň arasyndaky baglanyşygy has gowy görkezýär. Şeýle hem täzelenme açyklygy, interaktiwligi we inklýuziwligi şöhlelendirýär. Täze logo adamlary täze we halaýan zadyny döretmäge höweslendirýär.
