«Türkmenistan» awiakompaniýasy AGPJ www.turkmenistanairlines.tm web sahypasyndan onlaýn satyn alnan awiabiletleri yzyna gaýtarmagyň tertibini düşündirdi. Bu barada awiakompaniýanyň saýtynda dolulygyna maglumat berilýär.
Awiakompaniýa diňe www.turkmenistanairlines.tm saýtyndan satyn alnan awiabiletleri elektron görnüşinde diňe şol saýt arkaly yzyna gaýtaryp berýär.
Onlaýn satyn alnan awiabileti yzyna gaýtarmak üçin degişli bolan çäreler:
Ýolagçy awiabiletiň pul serişdesini yzyna gaýtarmak hakynda arza doldurmaly. Ony şu salga basmak arkaly ýükläp bilersiňiz.
Doldurylan arzanyň bellenilen görnüşini info@turkmenistanairlines.tm elektron poçta salgysyna iberilmeli.
Awiabileti yzyna gaýtarmak üçin şu resminamalar talap edilýär:
- Uçuşy ýatyrmak hem-de awiabilete sarp edilen pul serişdelerini yzyna gaýtarmak hakynda doldurylan arzanyň nusgasy;
- Awiabileti yzyna gaýtarmak üçin ýolagçynyň töleg geçiren kartasynyň bank rekwezitleri; (bank tarapyndan ýa-da tehniki sebäplere görä kemçilikler ýüze çykan ýagdaýynda bank rekwezitleri awiakompaniýa tarapyndan talap edilende zerur bolup durýar).
Bilet yzyna gaýtarylanda, şu aşakdaky görkezilen tutumlar tutulýar:
- - Yzyna gaýtaryljak pulyň mukdary hasaplanar: "Biletiň bahasy", yzyna gaýtarmak prosedurasy üçin töleg we howa arkaly daşaýjynyň uçuşy ýatyrandygy (uçuşdan ýüz öwürendigi) üçin jerimeler tutulyp alynýar.
- - Programma gidiş senesiniň ýakynlygyna baglylykda, öz gezeginde nobata görä işlenýär.
- - Ýerli ugurlarda gatnawa ýolagçynyň gelmändigi üçin 25% arassa ýolagçy nyrhyndan tutum tutulýar;
- - Uçuş wagtyna 24 sagatdan az galanda we 3 sagatdan giç galynman tabşyrylan ýagdaýynda 10% arassa ýolagçy nyrhyndan tutum tutulýar;
- - Howa gäminiň gatnawy ýerine ýetirmegine 3 sagatdan az galanda 25% arassa ýolagçy nyrhyndan tutum tutulýar;
Awiakompaniýa biletleriniň yzyna gaýtarylmagyny tassyklandan soň, pul serişdeleri 20 (ýigrimi) iş günüň içinde yzyna gaýtarylýar.
Awiabileti yzyna tabşyrmak üçin gerekli bolan maglumatlary online web sahypada ýa-da +993 (12) 39-17-78/ 39-17-47/ 39-17-70 awiakompaniýanyň telefon belgilerine jaň etmek bilen tanşyp bilersiňiz.
