ABŞ-nyň Milli student ligasynyň çempionatynyň “Nebraska” we “Omaha” zenan woleýbol klublarynyň arasyndaky oýny 92 003 tomaşaçy ýygnady. Bu aýal-gyzlaryň arasyndaky ýaryşlara gatnaşyk boýunça täze dünýä rekordydyr diýip, sport-interfax.ru habar berýär.
Öňki rekord 2022-nji ýylyň mart aýynda zenanlaryň arasynda futbol boýunça Çempionlar ligasynyň “Barselona” we “Real” ispan klublarynyň arasyndaky final oýnunda goýuldy. Bu oýna 91 553 adam gatnaşdy.
“Nebraska” – “Omaha” oýny Linkolndaky Memorial Stadium-da geçirildi. Arenanyň özi 85 458 adama niýetlenen, ýöne tomaşaçylar woleýbol meýdançasynyň (futbol meýdançasyna garanda kiçi bolup, dik durmak üçin ýerleri hem döretmäge mümkinçilik berýär) gönüden-göni töweregindäki giňişlikleri hem doldurdylar.
Duşuşyk “Nebraskanyň” partiýalarda 3:0 hasabynda utmagy bilen tamamlandy.
