“Mançester Sitiniň” baş tälimçisi Hosep Gwardiola UEFA tarapyndan ýylyň iň gowy tälimçisi baýragyna eýe boldy. Bu barada championat.com habar berýär.
Bu baýraga dalaşgärleriň üçlügine ispaniýaly hünärmenden başga-da, italiýaly Simone Indzagi (“Inter”) we Luçano Spalletti (“Napoli”) girdi.
Ilkibaşda ses berişlik üçin geçen möwsümiň iň gowy tälimçileriniň gysga sanawy düzüldi. Soňra geçen möwsümde haýsydyr bir ýewrokubokda çykyş eden klublaryň baş tälimçileriniň hem-de UEFA agza ýurtlaryň milli ýygyndylarynyň halypalarynyň ses bermegi netijesinde iň gowy tälimçileriň üçlügi kesgitlendi. Şeýle-de, ses berenleriň arasynda ýörite saýlanan žurnalistler hem bardy.
