Aşgabatda G.Kuliýew köçesi bilen «Täze zaman» ýaşaýyş toplumyny birleşdirjek köpri gurlar

  • 30.08.2023 11:15
  • 25k+

Aşgabat şäheriniň demirgazyk – günbatarynda G.Kuliýew köçesi bilen «Täze zaman» ýaşaýyş toplumyna barýan ýoluň kesişýän ýerinde täze awtomobil köprüsi gurlar. Bu boýunça Awtomobil ýollarynyň gurluşygyny dolandyrmak baradaky döwlet agentliginiň buýurmagynda Türkmenistanyň Gurluşyk we binagärlik ministrligi halkara bäsleşigini yglan etdi.

Aşgabadyň täze we iri ýaşaýyş toplumynyň 1-nji we 2-nji tapgyrlaryna barýan ýoluň ugrunda derýa üstünde köpri ozal gurlupdy. Häzirki wagtda bu toplumyň günbatar tarapynda täze tapgyryň gurluşygynyň alnyp barylýandygy üçin bu ýerde toplum üçin ýol-ulag düzümini döretmek zerur bolup durýar.
Gyzyklanma bildirýän taraplar gurluşyk boýunça özleriniň haýyşnamalaryny we tekliplerini ministrligiň Bazary öwreniş we daşary ykdysady gatnaşyklar müdirligine 10-njy oktýabra çenli tabşyryp bilerler.

Habarlaşmak üçin telefon belgileri: 44-46-6444-46-77.


03.10.2025 06:19
13k+

Serdar Berdimuhamedow Aşgabat boýunça iş saparyny amala aşyrdy

2-nji oktýabrda Prezident Serdar Berdimuhamedow Aşgabat boýunça iş saparyny amala aşyryp, paýtagtymyzda we ýurdumyzyň welaýatlarynda gurulmagy meýilleşdirilýän saglygy goraýyş maksatly desgalaryň şekil taslamalary bilen tanyşdy...

30.09.2025 19:03
12k+

Aşgabatda Bitarap Türkmenistan şaýoly boýunça ulaglaryň hereketi dolulygyny dikeldildi

Aşgabatda Bitarap Türkmenistan şaýolunyň Atamyrat Nyýazow we Arçabil şaýollarynyň çatrygynyň aralygyndaky ulaglaryň hereketi doly dikeldildi. Bu barada Aşgabat şäher häkimligi habar berýär. Öň, bu bölek 6-njy awgustdan başlap, Türkmenistanyň hemişelik Bitaraplygynyň 30 ýyllyk dabaralaryna taýýarlygyň çäklerinde giň möçberli abadanlaşdyryş işleri üçin bölekleýin ýapylypdy...

15.09.2025 21:59
20k+

Aşgabatda täze Yutong awtobuslary hereket edip başlady

Aşgabatda şäher ugurlary boýunça täze Yutong ýolagçy awtobuslary hereket edip başlady. Kondisioner ulgamy bolan 12 metrlik üç gapyly ulag serişdeleri paýtagtymyzyň çäginde ýolagçylara kadaly hyzmat etmäge girişdiler...

15.09.2025 11:48
9.6k+

Türkmenistan Azerbaýjanda guruljak metjidiň taslamasyny düzmek boýunça bäsleşik yglan etdi

Türkmenistanyň Gurluşyk we binagärlik ministrligi Azerbaýjanyň Fizuli şäherinde metjidiň taslamasyny düzmek we gurmak üçin kotirowka görnüşde bäsleşik yglan etdi. Bu barada «Türkmenistan» gazetinde habar berildi...